ᐃᓕᓴᐱ – ᑐᓴᕐᓂᔭᕐᓂᒥᓂᒃ ᓵᓐᖓᓱᓂ

ᐅᓂᒃᑳᑐᐊᕐᓂᖅ ᑕᕐᕋᓕᔮᖅ ᓴᕐᕿᑕᐅᒪᔪᖅ ᐃᓕᓴᐱ – ᑐᓴᕐᓂᔮᕐᓂᒥᓂᒃ rᓵᓐᖓᓱᓂ ᐅᓂᒃᑳᑐᐊᕐᑐᖅ ᐃᓄᒃ ᐃᓐᖏᖑᐊᕐᑎ ᐃᓐᖏᖑᐊᒍᓯᓕᐅᕐᑎ ᐃᓕᓴᐱ ᐊᐃᓴᒃ ᓇᒻᒥᓂᖏᓐᓂᒃ ᑐᓴᕐᓂᔮᕈᑎᓕᐅᕐᓂᕕᓂᖏᓐᓂᒃ ᐅᓂᒃᑳᑐᖅ.

ᓂᐱᓕᐊᕕᓂᖓ ᒪᓕᑦᓱᒍ ᑐᑭᓕᕇᑦ ᐃᓐᖏᖑᐊᕈᓯᖏᑦᑕ ᐱᖓᔪᐊᓐᓂ ᐃᓐᖏᖑᐊᕐᑐᑑᑦᓱᓂ ᓂᐱᓕᐊᕕᓂᖏᑦᑕ, lᑖᓂᓯᕐᑎᐊᐱᒃ ᐸᓂᐊᐱᐅᑦᓱᓂ ᐊᔪᔪᕕᓂᐊᐱᒃ, ᐃᓕᓴᐱ ᑕᑯᓐᓇᐅᔮᕐᑐᓂᒃ ᐊᐃᑎᑦᓯᕗᖅ ᐊᑦᓱᐃᓂᑯᒥᓄᑦ ᓇᓗᓇᓗᑳᑦᑐᒧᐊᓪᓛᑦ ᓯᓚᕐᔪᐊᒥᓄᑦ ᐁᕙᐃᕈᑎᒥᓐᓄᓗ ᐊᑦᔨᒌᓐᖏᑐᓗᑳᓄᑦ: ᐊᕐᓇᐅᑉ ᓯᓚᕐᔪᐊᖓᓄᑦ, ᐃᓐᖏᖑᐊᕐᑎᐅᑉ, ᑲᔪᖏᕐᑐᐃᔨᒻᒪᕆᐅᓂᕐᒥᓄᑦ ᐊᓈᓇᐅᓂᕐᒥᓄᓪᓗ.

ᑲᑦᓱᖓᐃᑦᑐᓯᐊᓄᑦ ᐊᑦᔨᒌᑦᔭᖏᑦᑐᓄᑦ ᐃᓄᓐᓄᑦ ᐊᓯᖏᓐᓄᓗ ᑲᑎᓯᖃᑦᑕᓱᑕ, ᐴᑯᓗᖓ ᐄᕙ ᑲᑎᒻᒥᓱᒍ (ᓇᓪᓕᓂᐅᑉ ᒥᑦᓵᓄᑦ ᐃᓐᖏᖑᐊᕈᓯᓕᐅᕐᑕᐅᓂᕐᒪᑦ), ᐋᓐᓂᐊᓯᐅᕐᑎᐊᓗᒻᒥᓗ ᓯᑖᓐᓕ ᕗᓛᓐᒥᒃ, ᐃᓐᖏᖑᐊᕐᑎᒥᓪᓗ ᓴᕐᕿᑎᑦᓯᔨᒥᓪᓗ ᕗᓗᐊᕆᓐᑦ ᕗᓛᓐᒥᒃ, ᑐᓴᕐᓂᔮᓐᑫᔨᒥᓪᓗ ᐅᐃᓕ ᑐᔮᓴ, ᐊᓂᕐᓂᖃᓐᖏᑐᒨᓲᒥᓪᓗ ᑕᐃᕕᑦ ᓴᐃᓐᑦ-ᔮᒃᑲᒥᒃ ᐊᒻᒪᓗ ᐊᑐᐊᒐᓕᐅᕐᑎᒥᒃ ᓇᑖᓴ ᑲᓇᐃᐱ ᕚᓐᑕᐃᓐ, ᐃᓕᓴᐱ ᖃᐅᔨᓚᕿᒃᑲᐃᖃᑕᐅᕗᖅ ᖃᐅᔨᓯᒪᔭᕐᒥᓂᒃ, lᐃᕐᖃᐅᒪᓐᖑᐊᓂᕐᒥᓂᒃ ᐅᐱᒍᓱᓐᓂᒥᓂᓗ ᐱᕐᕈᓯᒥᓂᒃ.