ᓄᓇᒥ : ᐊᓄᕆᐅᑉ ᐃᖕᖏᕕᖏᑦᑕ

ᓄᓇᒥ : ᐊᓄᕆᐅᑉ ᐃᖕᖏᕕᖏᑦ ᐊᑕᐅᓯᕐᒥᒃ ᑫᕙᓪᓚᒍᓯᒥᒃ ᑐᓴᕋᑦᓴᓕᐊᖑᓯᒪᔪᖅ, ᓂᐱᓕᐊᕕᓂᐅᑦᓱᓂ ᐃᓄᒃᔪᐊᒥ ᐊᒻᒪᓗ ᓂᑦᔮᑎᑕᐅᑦᓱᓂ Téle-Québec-ᑯᑦ, ᑲᑎᑎᑦᓯᓂᖃᕐᑎᓗᒍ ᓂᑦᔭᓗᑦᑖᓂᕐᒥᒃ ᐃᓕᕐᕈᓯᕐᒥᓗ, ᐱᕕᑦᓴᖃᕐᑎᓯᑎᓪᓗᒍ ᐅᕙᑦᑎᓂᑦ ᐃᓚᐅᑎᑦᓯᒍᓐᓇᓂᕐᒥᒃ ᐃᑉᐱᒍᓱᐃᓐᓇᓇᕐᑐᒥᒃ ᓄᓇᕕᐅᑉ ᑕᕐᓂᖓᓂᒃ ᐁᑉᐸᖃᕐᑎᓗᒍ ᐱᒍᓐᓇᓂᓕᒻᒥᒃ ᐃᓄᒻᒥᒃ ᐃᖕᖏᑎᒥᒃ ᐃᓕᓴᐱᒥᒃ.

ᐃᓚᒋᔭᐅᔪᖅ ᖃᐅᔨᒪᔭᐅᔪᓂᒃ ᙯᖁᔭᐅᓯᒪᑦᓱᓂ ᑕᒃᑯᖓ ᑕᑯᓐᓇᐅᔮᕐᑎᓯᓂᕐᒧᑦ, ᐊᓱᐃᓛᖑᔪᖅ, ᐃᓕᓴᐱ, ᑕᓯᐅᕐᓯᔨᒋᔭᐅᑦᓱᓂ ᑕᒃᑲᓂ ᐊᓕᐊᓇᕐᑐᑰᕐᓇᐅᔫᑉ, ᑭᓯᐊᓂᓗ ᐊᓯᖏᑦ ᐃᖕᖏᑏᑦ ᐅᑭᐅᕐᑕᑐᒥᐅᑦ, ᐆᑦᑑᑎᒋᓗᒍ ᐲᑐᕆᔅ ᑎᐊ ᐅᓂᒃᑳᓲᖅ ᓅᑦᑌᓇᓲᓂᒃ ᐃᓄᐃᑦ ᐱᐅᓯᑐᖃᖏᓐᓂᒃ, ᔮᔨ ᖃᕐᖄᔪᖅ ᐃᓚᒋᔭᖅ ᓴᓪᓗᐃᑦ ᓂᑦᔭᓗᑦᑖᖃᑎᒌᓐᓂ, ᐃᓕᓴᐱᐅᑉ ᐊᖔᐱᖓ, ᐊᒻᒪᓗ ᐊᓂᐊᐱᖓ, ᓵᓕ ᑕᕐᕿᒃ. ᓄᓇᖃᕐᖄᓯᒪᔫᖕᖏᑐᑦ ᙯᖁᔭᐅᓯᒪᔪᑦ ᐃᓚᐅᖃᑕᐅᑎᓪᓗᒋᑦ ᑕᒪᑦᓱᒧᖓ ᐊᑦᔨᐅᖏᑦᑐᒥᒃ ᓇᓪᓕᐅᓂᕐᓯᐅᓂᕐᒥᒃ, ᓱᓇᖃᕐᑎᓯᓕᐅᒥᔪᖅ ᐆᒻᒪᕆᑦᑐᒥᒃ ᐊᒻᒪᓗ ᖁᕕᐊᓱᖃᑎᒌᓐᓂᒥᒃ ᐃᓕᕐᕈᓯᕐᑎᒍᑦ ᑕᐅᕐᓰᖃᑎᒌᓐᓂᒥᒃ. ᐱᐊᕆ ᑯᐃᓐᑐᔅ ᐆᒻᒪᕆᑦᑑᓂᕐᒥᓂᒃ ᓄᐃᑦᓯᑎᓪᓗᒍ ᖁᕕᐊᓇᕐᑐᒦᑎᑦᓯᑎᓪᓗᒍ, Half Moon Run-ᑯᑦ ᐃᖏᕐᕋᖑᐊᕐᑎᓯᑎᓪᓗᒍ ᑕᑯᓐᓇᐅᔮᕐᑐᓂᒃ ᓂᑦᔭᓗᑦᑖᓂᕐᒥᓄᑦ.

ᑐᓴᕐᓂᔮᕐᓂᐅᑉ ᖁᕕᐊᓇᕐᓂᓚᕆᖓ ᑐᖕᖓᕗᖅ ᐅᑭᐅᕐᑕᑑᑉ ᐱᐅᔪᑐᐃᓐᓇᐅᓂᖓᓂᒃ, ᓂᐱᖏᑎᒍᑦ ᐊᒻᒪᓗ ᙯᖁᔨᓂᑦᑕ ᐃᖕᖏᑎᓂᒃ ᑕᑯᓐᓇᒋᐊᕐᓯᒪᔪᓂᓪᓗ ᐊᑑᑎᖁᑦᓱᒋᑦ ᐳᐃᒍᕐᓇᓚᖓᖕᖏᑐᒥᒃ ᐅᓪᓗᒥ. ᙯᖁᔭᐅᓯᒪᔪᑦ ᐅᓪᓛᑯᑦ ᑎᑭᑦᑎᓗᒋᑦ ᐃᓄᒃᔪᐊᒧᑦ, ᐃᓕᓴᐱᐅᑉ ᐅᑕᕐᕿᓱᓂᒋᑦ, ᐅᓐᓄᓴᒃᑯᑦ ᐱᖕᖑᐊᓂᑦᓴᖏᓐᓄᑦ ᐃᒡᓗᕕᒐᕐᒥᒃ, ᐊᑐᓂ ᖃᓄᐃᓘᕈᑕᐅᔪᑦ ᑐᓂᓯᓂᖃᖃᑦᑕᑎᓪᓗᒋᑦ ᐊᑦᔨᐅᖏᑦᑐᒥᒃ ᐊᑑᑎᓂᕐᒥᒃ, ᓈᓚᒋᐊᕐᑐᓯᒪᔪᑦ ᐅᐱᓐᓇᑐᒥᒃ ᑕᑯᓐᓇᑎᒋᔭᐅᑎᓪᓗᒋᑦ.